Corona: सीएम के एक अऊ राजनीतिक सलाहकार ह पाय गे हे कोरोना पाजिटिव, पढो पूरा खबर

जय जोहार…. छत्तीसगढ़ म कोरोना (corona) ले जुड़े एक बड़का खबर सामने आवत हे। मुख्यमंत्री भूपेश बघेल के एक अऊ सलाहकार कोरोना पाजिटिव हो गे हे। मुख्यमंत्री के राजनीतिक सलाहकार बिनोद वर्मा ह कोरोना पाजिटिव पाय गे हे। ओखर तबियत ह ठीक हे अऊ होम आइसोलेशन म ओखर इलाज चलत हे। ए जानकारी ल राजनीतिक सलाहकार बिनोद वर्मा ह स्वयं ट्वीट कर दे हे।

ट्वीट कर वो हा लिखे हे कि बचाव के बहुत कोशिश के बाद घलो मे हा कोरोना (corona) के चपेट म आ गे हों। होम आइसोलेशन म हों। पिछिले कुछु दिनो ले मोर संपर्क म आय लोगन मन ले अनुरोध हे कि ओ हा अपन ख्याल रखे अऊ आवश्यकता के अनुसार जांच जरूर कराए।

बता दन कि एखर पहिले सीएम के संसदीय सलाहकार राजेश तिवारी अऊ ओखर पूरा परिवार ह कोरोना (corona) संक्रमित मिले रिहिन। अभी सबो ह पूरा तरह ले स्वस्थ हो गे हे। सीएम के सिक्युरिटी गार्ड घलो कोरोना के चपेट म आ चुके हे।