रायपुर। विकास यात्रा ल लेके बीजेपी अउ कांग्रेस के बीच म सोशल मीडिया म चलत वाक वॉर चरम म हे। शुक्रवार के भाजपा ह एक पोस्टर जारी करके भूपेश बघेल ल खोजलम्बस कहे रहिन हे। ओखर बाद भूपेश बघेल ह तुरंते ट्वीट करके अपन प्रतिक्रिया दे रहिस हे। शनिवार के भाजपा ह फेर भूपेश बघेल के ट्वीट म पलटवार करत हुए एक अउ पोस्टर जारी करिस हे, जेमा खोजलम्बस के खोज के बारे म बताइस हे। भूपेश ह ट्वीट कहे रहिन हे कि वो ह सीएम मैडम के खोज करही,अभिषेक के विदेशी खाता अउ उमन बर उपयुक्त जेल घलो देख रखे हे सबो बर। ओखरे सेती पलटवार करत हुए शनिवार के भाजपा ह एक अउ खोजलम्बस वाले पोस्टर जारी करत हुए भूपेश ल घेरिस हे। जेमा लिखे हे कि खोजलम्बस के खोज हे, चरित्र हत्या करइया फरजी सेक्स सीडी के खोज, अपन घर बनाए बर गरीब मन के जमीन हथिया के खोज, सरकार आए के धमकी देके जनता म भय फैलाए के खोज, बच्ची ले बलात्कार म हंसत हुए कैंडल मार्च निकालले के खोज।
