ये दिवाली आही सुपरस्टार अनुज शर्मा के राजा भैया, ऑडियो वीडियो प्रचार बर सुंदरानी फिलिम ले होइस समझौता

नटराज फिल्म्स रायपुर अउ सुंदरानी फिल्मस ह मिल के राजा भैया के धुआंधार प्रचार करही, काबर की ये फिलिम ह अवैया दीपावली म रिलीज होही। सुपर स्टार अनुज शर्मा अउ तान्या तिवारी के जोड़ी वाले ये फिलिम के कहानी हट के हे अउ एखर गीत संगीत घलोक बने हे। खासकर जन्माष्टमी के एक गीत ला काफी पसंद करे गे हे, निर्देशक इरफान खान ह जब ये फिलिम ल पूरा करे रिहिस त ओखर पास बड़ अकन कंपनी के फोन आवत रहीस लेकिन वो ह छत्तीसगढ़ के सबले बड़े ऑडियो वीडियो कंपनी सुंदरानी फिल्मस संग हाथ मिलाईस।

राजा भैया एक आवारा म अनुज शर्मा के लुक भी कुछ अलग नजर आही। एखर संगीत सलाम इरानी ह दे हे। पूरा फिलिम के वितरण के काम मां फिल्म्स के तरुण सोनी द्वारा करे जाही। निर्देशक इरफान खान ह बताईस कि राजा भैया बर अनुज शर्मा संग टीम के सब्बो सदस्य मन मेहनत करे हे, सबके मेहनत एक दिन जरूर रंग लाही।