“महुं कुंवारा तहुं कुंवारी” के टीम ह करिन मतदान के अपील.. प्रेस क्लब म जुरियाईन

दीपक बावनकर@जय जोहार. इतवार के दिन छत्तीसगढ़ी फिलिम “महुं कुंवारा तहुं कुंवारी” के जम्मो टीम ह रायपुर प्रेस क्लब म जुरियाईन। ए दरी ओमन ल मतदाता मन ले मतदान बर अपील घलो करिन अऊ लोकतंत्र के पर्व म सामिल होए के आव्हान करिन। फिलिम के निर्देशक, कोरियोग्राफर अउ जम्मो कलाकार मन अपन फिलिम के प्रमोशन घलो करिन। डायरेक्टर मनोज वर्मा ह अपन फिलिम ल लेके जानकारी दिन कि कईसे ऐ फिलिम ह अलग तरह के फिलिम हरे। फिलिम के गाना अऊ कहानी ल पारिवारिक बतात मनोज वर्मा ह कहिन कि सिनेमाघर म फिलिम देखईया मन जरूर फिलिम ले देख बर जाहू।ए मौका म ओखर संग निर्माता रॉकी दासवानी, कोरियोग्राफर निशांत उपाध्याय, हीरोइन एल्फा घोष, कॉमेडियन हेमलाल कौशल रिहिन। एखर बाद सबो झन देश के लोकतंत्र उत्सव में भागीदारी बर अपील करिन अउ जम्मो झन वोट डाले के संकल्प करिन।