Haj 2021 बर आज ले सुरू हो गे आवेदन प्रक्रिया, पढो पूरा खबर

जय जोहार…. (Haj 2021) हज 2021 बर केन्द्रीय हज कमेटी भारत सरकार के तरफ ले पूरा भारत म आनलाइन हज आवेदन के प्रक्रिया ह आज ले सुरू हो गे हे। छत्तीसगढ़ राज्य हज कमेटी के चेयरमैन मोहम्मद असलम खान ह बताइस कि हज आवेदन ह केन्द्रीय हज कमेटी भारत सरकार के वेबसाइट म उपलब्ध हे।

आनलाइन हज आवेदन करे के आखिरी तारिख 10 दिसंबर तय करे गे हे। वो हा बताइस कि हज (Haj 2021) के पूरा प्रक्रिया ल डिजिलाईजेशन करे के बाद इच्छुक आवेदक मन के तरफ ले केंद्रीय हज कमेटी के मोबाइल एप्लीकेशन ले घलो अपन हज आवेदन आनलाइन करे जा सकत हे।

केन्द्रीय हज कमेटी भारत सरकार ले प्राप्त जानकारी के अनुसार हज 2021 (Haj 2021) बर हिन्दुस्तान ले जवइया हज यात्री मन के पहिली उड़ान ह 26 जून 2021 के होही अऊ हाजी मन के स्वदेश वापसी ह 30 जुलाईले प्रारंभ होही। हज के अहम दिन अराफात डे 19 जुलाई 2021 के होही।