chhattisgarh : स्टेट क्वालिटी मॉनिटर्स के इम्पैनलमेंट बर आवेदन आमंत्रित, 5 फरवरी तक कर सकथे आवेदन

जय जोहार…. (chhattisgarh) छत्तीसगढ़ सासन के पंचायत अउ ग्रामीण विकास विभाग के एजेंसी छत्तीसगढ़ ग्रामीण सड़क विकास अभिकरण ह प्रधानमंत्री ग्राम सड़क योजना के अंतर्गत स्टेट क्वालिटी मॉनिटर्स के इम्पैनलमेंट बर आवेदनआमंत्रित करे हे। एखर बर कार्यपालन अभियंता या कोनो सरकारी संस्था, केंद्र या राज्य सरकार के सार्वजनिक क्षेत्र के उपक्रम या ओखर ले संबद्ध कार्यालय म समकक्ष पद ले सेवानिवृत्त सिविल अभियंता ले आवेदन मंगाये गेहे।

(chhattisgarh) सासकीय इंजीनियरिंग कॉलेज, आईआईटी, एनआईटी या सरकारी अनुसंधान संस्थान म कार्यरत या सेवानिवृत्त सिविल इंजीनियरिंग म स्नातक अइसे फैकल्टी मेम्बर जेमन ल रद्दा निर्माण या पुल के डिजाइनिंग, पर्यवेक्षण अउ परामर्शदाता के रूप म काम करे के अनुभव हो, ओ घलो एखर बर आवेदन कर सकत हे ।

सड़क निर्माण काम के निरीक्षण बर सासकीय सेवा वाला अइसे उम्मीदवार वांछित हे, जेमन ह अपन सेवानिवृत्ति के पहले के आखिरी दस बच्छर म ले कम ले कम पांच बच्छर सड़क निर्माण का अनुभव हो। (chhattisgarh) उहें पुल निरीक्षण बर पुल निर्माण के योजना, डिजाइनिंग या क्रियान्वयन म आठ बच्छर के अनुभव वाला अइसे उम्मीदवार वांछनीय हे, जेमन ल पुल परियोजना (Bridge Project) के क्रियान्वयन के कम ले कम चार बच्छर अनुभव हो। सड़क अउ पुल निरीक्षण बर दूनों व्यावसायिक योग्यता अउ मैदानी अनुभव रखइया उम्मीदवार ह दूनों काम बर आवेदन कर सकत हे ।

इम्पैनलमेंट बर पात्रता के शर्त, स्टेट क्वालिटी मॉनिटर्स के कर्तव्य (Duty) अउ आवेदन पत्र के प्रारूप ल वेबसाइट www.pmgsy.nic.in (डब्लूडब्लूडब्लू डॉट पीएमजीएसवाई डॉट एनआईसी डॉट इन) म ‘डीओ एंड एसक्यूएम सलेक्शन एंड परफॉर्मेंस इवेल्यूएशन (DO and SQM selection and performance evaluation)’ शीर्षक के तहत देखे जा सकत हे ।

स्टेट क्वालिटी मॉनिटर्स के रूप म काम करे के इच्छुक आवेदक ह निर्धारित प्रारूप म अपन आवेदन ल मुख्य कार्यपालन अधिकारी, छत्तीसगढ़ ग्रामीण सड़क विकास अभिकरण, विकास भवन, सिविल लाइन, रईपुर ल 5 फरवरी 2022 तक भेज सकत हे ।