संस्कृति विभाग के उप संचालक राहुल सिंह के नियुक्ति ल लेके सवाल.. .सरकार ह दिस जांच के आदेश

रायपुर। संचालनालय संस्कृति अउ पुरातत्व विभाग म उपसंचालक के पद म पदस्थ राहुल सिंह के नियुक्ति ल लेके सवाल उठाए गे हे। अऊ ए संबंध म शिकायत घलो करे गे हे। बताए जात हे कि प्रदेस सरकार के पास राहुल सिंह के अस्थाई नियुक्ति के कोनो दस्तावेज घलोक नई हे।

जानकारी के मुताबिक आरटीआई म मिलिस दस्तावेज म ये खुलास होय हाबय। एखर शिकायत मंत्रालय ले लेके मंत्री अउ सचिवालय म घलो करे जा चुके हे। शिकायत के आधार म छत्तीसगढ़ सासन ह मध्यप्रदेश सासन ल चिट्‌ठी लिखे हे अउ उंखर नियुक्ति ले संबंधित जम्मो दस्तावेज अउ अभिलेख ल उपलब्ध कराए के मांग करे हे।