जय जोहार। छत्तीसगढ़ सासन जल संसाधन विभाग मंत्रालय डहार ले दुर्ग जिला के विकासखण्ड- पाटन के तांदुला परियोजना अंतर्गत मर्रा शाखा नहर के चैन 0 ले 210 तक नहर सुदृढ़ीकरण अउ 03 केनाल साईफन, 07 नग पुलिया, 01 नग केनाल क्रासिंग के निर्माण काम अउ धौराभाठा डायरेक्टर आउटलेट के लाईनिंग काम बर 2 करोड़ 91 लाख 12 हजार रुपिया के प्रसासकीय स्वीकृति मुख्य अभियंता महानदी परियोजना जल संसाधन विभाग रायपुर ल प्रदान करे गेहे । ए योजना के पूरा होए ले कुल 480 हेक्टेयर क्षेत्र म सिंचाई सुविधा हो जाही ।
खाती एनीकट काम बर 2.77 करोड़ स्वीकृत
छत्तीसगढ़ सासन जल संसाधन विभाग मंत्रालय डहार ले बेमेतरा जिला के विकासखण्ड-साजा के खाती एनीकट कम काजवे निर्माण काम बर 2 करोड़ 77 लाख 78 हजार रुपिया के प्रसासकीय स्वीकृति मुख्य अभियंता महानदी गोदावरी कछार जल संसाधन विभाग रायपुर ल प्रदान करे गेहे । ए योजना के पूरा होए ले निस्तारी, भू-जल संर्वधन समेत क्षेत्रिय किसान बर 20 हेक्टेयर क्षेत्र म सिंचाई सुविधा मिल सकही ।
नवागांव जलासय काम बर मिलीन 1.55 करोड़ रुपिया के स्वीकृति
छत्तीसगढ़ सासन जल संसाधन विभाग मंत्रालय डहार ले बालोद जिला के विकासखण्ड-गुण्डरदेही के नवागांव जलासय के वेस्ट वियर, गेट अउ केनाल स्ट्रक्चर रिपेयरिंग अउ केनाल लाईनिंग काम बर 1 करोड़ 55 लाख 56 हजार रुपिया के प्रसासकीय स्वीकृति मुख्य अभियंता महानदी गोदावरी कछार, जल संसाधन विभाग रायपुर ल प्रदान करे गेहे। ए योजना के पूरा होए ले कुल 161 हेक्टेयर क्षेत्र म सिंचाई सुविधा मिल सकही ।
