जय जोहार। छत्तीसगढ़ सासन जल संसाधन विभाग मंत्रालय डहार ले बिलासपुर जिला के विकासखण्ड-कोटा के रानीबछाली एनीकट कम काजवे योजना के काम बर 2 करोड़ 93 लाख 99 हजार रुपिया के प्रसासकीय स्वीकृति मुख्य अभियंता हसदेव कछार जल संसाधन विभाग बिलासपुर ल प्रदान करे गेहे । ए योजना ले निस्तारी-भू-जल संवर्धन समेत क्षेत्रीय किसान मन ल 105 हेक्टेयर क्षेत्र म सिंचाई सुविधा मिल सकही।
ठाकुरदिया व्यपवर्तन योजना के काम बर 1.30 करोड़ रुपिया स्वीकृत
छत्तीसगढ़ सासन जल संसाधन विभाग मंत्रालय डहार ले बलौदाबाजार-भाटापारा जिला के विकासखण्ड-कसडोल के ठाकुरदिया व्यपवर्तन योजना के जीर्णाेद्धार अउ नहर लाईनिंग काम बर एक करोड़ 30 लाख 97 हजार रुपिया के प्रसासकीय स्वीकृति मुख्य अभियंता महानदी गोदावरी कछार, जल संसाधन विभाग रायपुर ल प्रदान करे गेहे । ए योजना ले निस्तारी-भू-जल संवर्धन समेत क्षेत्रीय किसान मन ल 202 हेक्टेयर क्षेत्र म सिंचाई सुविधा मिल सकही ।
