chhattisgarh : तीन योजना बर 2 करोड़ रूपिया के मिले हे स्वीकृति

जय जोहार…. (chhattisgarh) लोक स्वास्थ्य यांत्रिकी विभाग मंत्रालय के तरफ ले रायपुर, मुंगेली अउ जांजगीर-चांपा जिला म सोलर ड्यूल पंप आधारित नल-जल प्रदाय योजना बर 2 करोड़ एक लाख 54 हजार रूपिया के प्रशासकीय स्वीकृति प्रदान करे गे हे।

लोक स्वास्थ्य यांत्रिकी विभाग ले जानकारी के मुताबिक (chhattisgarh) रायपुर जिला के आरंग विकासखंड के ग्राम गिधवा म सोलर ड्यूल पंप आधारित नल-जल योजना बर 74 लाख 52 हजार रूपिया के मंजूरी दे गे हे।

अइसने (chhattisgarh) मुंगेली जिला के पथरिया विकासखंड के ग्राम पीड़ा म 53 लाख 28 हजार रूपिया अउ जांजगीर-चांपा जिला के जैजैपुर विकासखंड के ग्राम शिकारीनगर म सोलर ड्यूल पंप आधारित नल-जल योजना के स्थापना बर 73 लाख 73 हजार रूपिया के स्वीकृत दे गे हे।