जांजगीर। जिला म धान बेचइया किसान मन कलेक्टर ल ज्ञापन सउपके 2 सौ रुपिया प्रति क्विंटल कटौती करे के बिरोध करिन। किसान मन कहिन कि बीज निगम द्वारा दू सौ रुपिया कटौती करे जाना गलत हे। पाछू बछर जउन दर म धान के खरीदी करे गए रिहिस ओकर ले घलो कम दर म धान के खरीदी करे के तइयारी करे जात हे। सासन के दर 2 हजार 180 रुपिया क्विंटल म बीज निगम द्वारा किसान मन ले धान खरीदे जाना रहिस। फेर 1 हजार 9 सौ 80 रुपिया दे जात हे। किसान मन ये फइसला के बिरोध करत आंदोलन करे के बात कहे हे।
