गंभीर हालत म रायपुर रेफर, अवैध शिकारी फरार
पिथौरा.बार अभयारण्य म सर्चिंग म निकले वन विभाग के कर्मचारी मन उपर शुक्रवार के अज्ञात लोग मन ह तीर कमान ले हमला कर दिस. हमला म वन रक्षक गंभीर रूप ले घायल हो गिस. अन्य साथी मन ह उमन तत्काल पिथौरा सामुदायिक केंद्र म भर्ती कराय. जिहां उंखर प्राथमिक उपचार के बाद रायपुर रेफर करे गिस.
पुलिस ह बताइस के, बार अभयारण्य म दुपहर वन अमला के वन रक्षक योगेश्वर प्रसाद व वन चौकीदार राम चौहान जंगल के भीतर पइदल गस्त करत रहिन हे. जंगली जानवर मन के शिकार बर कुछु लोग मन पहिली ले मउजूद रहिन हे. वन अमला ह पूछताछ बर उंखर तीर पहुंचिन त भागे लगिस. जब पीछू करिस त तीर ल हमला करिन. जे वन रक्षक के पीठ म जाके लगिस. लहूलुहान हालत म वन रक्षक ल बार अभयारण्य ले सोझे पिथौरा के सरकारी अस्पताल म भर्ती कराय गिस.
पुलिस ह बताइस के बार अभयारण्य के कक्ष क्रमांक 123 चरौदा के तीर के घटना हवय. तीर चलाए बाद अज्ञात लोग उहां ले फरार हो गिस. वन विभाग के सर्चिंग दल समेत बया पुलिस खोजबीन करत हवय.
Other Articles
