Artist : माइक्रो आर्ट म नाम कमाना चाहत हे मुकेश निषाद ह, बड़े बहिनी के मोबाइल के जरिये वो ह सीख गे ये कलाकारी ल

जय जोहार रायपुर… (Artist) ये हरे मुकेश निषाद जेन ह कक्षा नवमी के छात्र हे अऊ मुकेश चार बहिनी के अकेल्ला भाई हे, आज मुकेश चॉक ल आकार दे के नवा नवा जिनिस बनात हे,

मुकेश ह किहिस कि लॉक डाउन म ऑनलाइन पढाई के साथ साथ वो ह ये माइक्रो आर्ट (Artist) सिख गे, मुकेश के बहिनी मन घलो ओखर लगन देख के ओला मोबाइल दे देत रिहिन,

बता दन कि (Artist) मुकेश ह अब तक चॉक के दर्जनों कलाकृति बनाए हे अऊ ये कला ल वो ह सबके सामने लाना चाहत हे,

मुकेश के घर के जीवन यापन ओखर माँ अऊ बहिनी के ऊपर हे लेकिन मुकेश आघु पढाई के संग ये कला के माध्यम ले अपन माँ अऊ बहिनी के सहारा बनना चाहत हे।