कलाकार बेटा के अंतिम इच्छा माँ करिस पूरा , गीत संगीत के साथ करिस बिदा

दीपक बावनकर@रायपुर राजनांदगाँव के तिवारी परिवार जो अपन पूरा जीवन कला ल समर्पित कर दिस उही परिवार के बेटा सूरज तिवारी ह आज ये दुनिया ल छोड़ के चल दिस ,ओखर पहिली वो ह तिल्दा म कार्यक्रम दे रिहिस अचानक दिल के दौरा पड़े ले ओखर निधन हो गे , ये खबर ले पूरा कला जगत म मायूसी छा गे , माँ पूनम तिवारी अऊ पिता दीपक तिवारी ह अपन पूरा परिवार के साथ कला के साधना करिस, हबीब तनवीर के संग सैकड़ो नाटक के प्रस्तुति दिन

पिता दीपक तिवारी ल लकवा मारे के बाद भी माँ बेटा मिलके पिता के सेवा करिस अऊ अपन कला यात्रा ल घलो जारी रखीन आज बेटा घलो छोड़ के चल दिस ओखर अंतिम इच्छा रिहिस कि ये दुनिया ले जब वो बिदा होही त माटी के चोला.. वाले गीत के साथ ओखर शवयात्रा निकाले जाय , माँ पूनम तिवारी ह अपन बेटा के अंतिम इच्छा पूरा करिस अऊ सब्बो के आंखी म आंसू आगे.