Chhattisgarh: एक दूसर ऊपर आरोप लगाय के बजाय कलाकार मन बर काम करे के जरूरत हे – नवलदास मानिकपुरी

जय जोहार…. छत्तीसगढ़ (Chhattisgarh) के कलाकार मन आज भी कोरोना के मार ले उबर नई पाय हे, आठ महीना ले ऊंखर पास न तो काम हे अऊ न ही पैसा, अईसे म अगर कोई कलाकार दूसर काम करत हे त एमा कोनो बुराई नई हे,

ये कहना हे छत्तीसगढ़ लोक कलाकार कल्याण संघ के प्रदेश अध्यक्ष नवलदास मानिकपुरी के , ओमन ह किहींन हे कि आज कलाकार मन के स्थिति बर सरकार जिम्मेदार हे, कोरोना काल के पहिली लॉक डाउन ले अभी तक कलाकार मन काम के बाट जोहत हे लेकिन सरकार सब्बो कोति ध्यान देवत हे बस कलाकार मन कोति सरकार के नजर नई पड़त हे अईसे म आज कलाकार मन ऊपर जिये खाय के संकट आगे हे,

(chhattisgarh) बता दन कि जाने माने चरित्र अभिनेत्री उपासना वैष्णव ह आज काम नई मिले के कारण फुटफात म कपड़ा बेचत हे, सरकार के कलाकार के प्रति उदासीन रवैय्या ह एखर कारण हे,

छत्तीसगढ़ लोक कलाकार कल्याण संघ के अध्यक्ष ह किहीस कलाकार मन के स्थिति अऊ परेशानी म कुछ कलाकार मन के द्वारा राजनीति करना समझ से परे हे, ये समय राजनीति के नो हे बल्कि एक दूसर के साथ चले के हे,

(Chhattisgarh) छत्तीसगढ़ लोक कलाकार कल्याण संघ लगातार लोक कलाकार मन ल खोजत हे अऊ मन ल सरकारी मदद अऊ काम देवाय बर संघर्षरत हे, संघ के कहना हे कि सिनेमाई कलाकार मन लोक कलाकार मन संग आपसी भाईचारा रखे अऊ सब ल साथ लेना है काबर कि सिनेमा के कलाकार मन बर प्लेटफॉर्म बहुत होथे लेकिन लोक कलाकार मन बर बस ऊंखर कलाकारी ही ऊंखर संग होथे।