विधानसभा घलो 25 मार्च तक बर स्थगित, कार्यमंत्रणा समिति के बैठक म ले गिस निर्णय
जय जोहार रायपुर… स्कूल अऊ कालेज के छुट्टी के बाद अब विधानसभा घलो स्थगित कर दे गे हे। 25 मार्च तक बर विधानसभा स्थगित करे गे हे। 16 मार्च ले विधानसभा के बजट सत्र होली के छुट्टी के बाद शुरू होतिस, लेकिन अब ओला 25 मार्च तक बर स्थगित कर दिस।
आज सुबह छत्तीसगढ़ विधानसभा म कार्यमंत्रणा समिति के बैठक होइस। एमा विधानसभा के कार्यवाही ल मौजूदा हालात के मद्देनजर स्थगित करे के निर्णय ले गिस।
बता देन कि प्रदेश म कोरोना वायरस के मद्देनजर ऐहितियातन स्कूल-कालेज मन म छुट्टी घोसित कर दे गे हे। काली मुख्यमंत्री भूपेश बघेल ह आपात बैठक लेके कोरोना के प्रदेश स्तरीय समीक्षा करिस। एखर बाद स्कूल-कालेज मन के संगेसंग इंजीनियरिंग कालेज मन घलो 31 मार्च तक बर बंद करे के निर्णय ले गिस।
