मरवाही विधानसभा उपचुनाव बर विधानसभा सचिव ह करिन आयोग ले अनुशंसा
जय जोहार…. छत्तीसगढ़ म पूर्व मुख्यमंत्री अजीत जोगी के निधन के बाद मरवाही विधानसभा सीट म उपचुनाव के तैयारी ह सुरू हो गे हे। विधानसभा सचिव चंद्रशेखर गंगराडे ह एखर बर अनुशंसा राज्य निर्वाचन आयोग ल भेज दे हे। एखर ले प्रदेश म उपचुनाव के आगाज बड़ अकन जल्द होय के आसार हे।
छत्तीसगढ़ राज्य निर्वाचन आयोग के अधिकारी के अनुसार आयोग ह भारत निर्वाचन आयोग ल विधानसभा के अनुशंसा भेज दे हे। अब कभी भी भारत निर्वाचन आयोग ले चुनाव के तारीख के ऐलान हो सकत हे। एखर बर राज्य निर्वाचन आयोग घलो चुनाव के तैयारी म जुट गे हे। मरवाही विधानसभा सीट म होवइया उपचुनाव बर मतदाता सूची अऊ मतदान केन्द्र के युक्तियुक्तकरण करे के कार्रवाई ह जल्द सुरू करे जाही। विश्वव्यापी कोरोना महामारी के चलत आयोग के तैयारी ह लंबित होवत हे।
मुख्य निर्वाचन पदाधिकारी रीना बाबासाहेब कंगाले ह बताइस कि प्रदेश म उपचुनाव ह अपन तय समय म ही होही। ए म अंतिम फइसला भारत निर्वाचन आयोग ह करही।
