chhattisgarh: विधानसभा अध्यक्ष डॉ. चरणदास महंत ह करीन राजिम माघी पुन्नी मेला के सुभारंभ, पढ़व

जय जोहार । छत्तीसगढ़ (chhattisgarh) के प्रयागराज के नाम ले सुशोभित राजिम म 15 दिन तक चलइया राजिम माघी पुन्नी मेला के विधिवत सुभारंभ विधानसभा अध्यक्ष डॉ चरणदास महंत ह काली रात भगवान राजीवलोचन के प्रतिमा के समक्ष दीप प्रज्जवलित अउ पूजा अर्चना कर करीन । डॉ. महंत ह महानदी आरती म घलो सामिल होइन हे ।

ए अवसर म (chhattisgarh) धर्मस्व मंत्री ताम्रध्वज साहू, वाणिज्यिक कर अउ उद्योग मंत्री कवासी लखमा, विधायक धनेंद्र साहू, राजिम विधायक अमितेश शुक्ल, रायपुर विकास प्राधिकरण के चेयरमैन सुभाष धुप्पड़ समेत कई जनप्रतिनिधि अउ श्रद्धालु मन बड़का संख्या म मौजूद रिहीन ।

ए अवसर म (chhattisgarh) विधानसभा अध्यक्ष डॉ चरणदास महंत ह राजिम मेला ल पुरातन संस्कृति के अनुरूप पुन्नी मेला के रूप म स्थापित करे बर मुख्यमंत्री भूपेश बघेल अउ धर्मस्व मंत्री ताम्रध्वज साहू ल बधाई दीन । डॉ महंत ह किहीन कि राज्य के मनखे मन के आपसी प्रेम अउ सद्भाव, एकता अउ भाई-चारा के संग हमन सब मिलके नवा छत्तीसगढ़ गढ़बो । वो हा किहीन कि राजिम माघी पुन्नी मेला हमन ल आपसी प्यार अउ सद्भाव के संदेस देत हे । ए तीर्थ स्थान म साधु, संत महात्मा के सतसंग अउ ओखर डहार ले दे सीख अउ आसीर्वाद ल ग्रहण करना चाही ।