विधानसभा अध्यक्ष ह करिन वार्षिकोत्सव के सुभारंभ

नर्सिंग पढ़ईया लईका मन के लैंप लाइटिंग सपथ ले होइस ’ग्रेस कार्निवाल-2019’ के शुभारंभ

रायपुर, विधानसभा अध्यक्ष डॉ. चरण दास महंत के संग ग्रेसियस ग्रुप ऑफ इंस्टिट्यट अभनपुर के तीन दिवसीय वार्षिकोत्सव ’ग्रेस कार्निवाल-2019’ के सुभारंभ करिस. डॉ. महंत ह अपन उद्बोधन म कहिन के, ए महाविद्यालय के सिलान्यास मही ह आज ले 13 बरिस पहिली करे रहेंव. उमन गुरू के महत्ता उपर जोर देवत महाविद्यालय ले उत्तीर्ण विद्यार्थी जऊन विदेश मन म अपन सेवा देवत हें, उंखर सराहना करिन. कार्यक्रम म डॉ. महंत कोति ले महाविद्यालय के उत्तीर्ण पढ़ईया लईका मन ल दीक्षांत समारोह के रूप म प्रशस्ति पत्र प्रदान करत उमल ल सुभकामना दीन.

कार्यक्रम म दुर्ग महाविद्यालय के प्राचार्या श्रीमती रेमा राजेश ह अपन उद्बोधन म नर्सिंग प्रोफेशन ल मानव सेवा बतात नर्सिंग शिक्षा के महत्ता ल बताइन. कार्यक्रम म नर्सिंग के प्रशिक्षणार्थी कोति ले लैंप लाइटिंग करके अपन कर्त्तव्य के प्रति निष्ठा के सपथ घलोक लेहे गीस. कार्यक्रम के सुभारंभ मां सरस्वती के प्रतिमा म दीप प्रज्ज्वलन कर करे गीस. सांस्कृतिक कार्यक्रम म नर्सिंग के छात्रा मन कोति ले स्वागत म अउ दूसर अऊ तीसर साल के पढ़ईया लईका मन कोति ले नागपुरी, पंजाबी, फ्री स्टाईल अऊ बिहू समूह नृत्य करके कार्यक्रम ल मनमोहक बनाइन. ए अवसर म पूर्व विधायक गुरूमुख सिंह होरा, छत्तीसगढ़ व्यापारिक संघ के उपाध्यक्ष भरत बजाज, प्राचार्य डॉ. अपर्णा सिंग, संचालक आशुतोष शुक्ला संग कॉलेज के प्रोफेसर, बड़ संख्या म विद्यार्थी अऊ दरसकगन उपस्थित रहिन.