घोसना या संकल्प पत्र नइ ….. ‘अटल दृष्टि पत्र’ जारी करेही भाजपा ह

रायपुर। छत्तीसगढ़ म विधानसभा चुनाइ बर ये दफा भाजपा घोसना या संकल्प पत्र नइ बल्कि ‘अटल दृष्टि पत्र’ जारी करही। येमा पूरव प्रधानमंत्री अटल बिहारी वाजपेयी सपना मन ल छत्तीसगढ़ के तस्वीर उकेरे जाही।
मिले जानकारी म अटल के सुसासन, विकास अउ अंत्योदय के मंत्र म चलत हे छत्तीसगढ़ 2025 म कइसे अउ कहां होही। येखर तइयारी सुरू कर दीस हे। स्वतंत्रता दिवस म अपन संदेस म मुख्यमंत्री डॉ. रमन सिंह ह विजन 2025 के नाम के संग येखर जिक्र घलो करिस हे।
‘अटल दृष्टि पत्र’ म 2025 तक के भविष्य के योजना मन के संग राज्य के पूरा सफरनामा घलो रहही। सरकार बताही के 2003 म जब भाजपा सत्ता म आइस तब विकास के विभिन्न् मानक मन म छत्तीसगढ़ के का स्थिति रहिस हे। 2018 म का स्थिति हे अउ 2025 के बर का योजना अउ रननीति रहही।
2025 म रजत जयंती मनाही छत्तीसगढ़
2025 म छत्तीसगढ़ राज्य के स्थापना के 25 बछर पूरा होही अउ राज्य अपन स्थापना के रजत जयंती मनाय जाही। येला धियान म रखत हुये ही ‘अटल दृष्टि पत्र”2025 तइयार करे जात हे।

अटल दृष्टि पत्र’ के ये होही लक्छय
0 हर नागरिक के गुनवत्तापूरन चिकित्सा सुविधा मन के अधिकार होही।
0 सब मन के पास अपन घर होही।
0 साक्छरता दर सत-प्रतिसत होही।
0 गुनवतापूरन सिक्छा म हर लइका मन ल हक होही।
0 सबला घर म नल कनेक्सन ही नइ बल्कि इंटरनेट कनेक्टिविटी घलो होही।
0 छत्तीसगढ़ के प्रमुख सहर हवाई सेवा ले जुड़े होही।
0 छत्तीसगढ़ न सिरिफ उद्यमिता अउ निवेस आमंत्रित करे म अव्वल होही बल्कि अपन सांस्कृतिक धरोहर मन ल सहेजत हुए विकास के ऊंची छलांग लगाके, देस के सरवश्रेष्ठ राज्य बनही।