आठवले ह दीस राहुल गांधी ल सादी करे के सलाह

कहिन, उमन इंटरकास्ट मैरिज करही त मोर मंत्रालय ह ढाई लाख रूपिया दीही
रायपुर. रिपब्लिकन पार्टी ऑफ इंडिया (RPI) के अध्यक्ष अउ केंद्रीय सामाजिक न्याय व अधिकारिता मंत्री रामदास आठवले ह कमजोर होवत कांग्रेस ल जादा मजबूत बनाए बर राहुल गांधी ल सलाह दे. उमन के कहिना हे के, राहुल ल अब सादी कर लेना चाही.

दरअसल, केन्द्रीय मंत्री रामदास आठवले ह रायपुर प्रेस क्लब के कार्यक्रम रूबरू म पहुंचे रिहिन हे. पत्रकार मन ले गोठियात उमन कहिन के, राहुल गांधी के प्रधानमंत्री बने बर अभी लंबा बेरा हे. लेकिन सादी करे के बेरा तीर म आ गे हे. अइसन म रामदास आठवले ह सलाह दीस हे के, अगर राहुल ल महात्मा गांधी के सपना पूरा करना हवय त जातिवाद खतम करे बर उमन ल इंटरकास्ट मैरिज करना चाही.

अगर राहुल गांधी इंटरकास्ट मैरिज करही त मोर मंत्रालय ले इंटरकास्ट मैरिज के प्रोत्साहन के तहत ढाई लाख रुपिया राहुल ल मदद करही.