भाजपा बर प्रायश्चित के समय, बयानबाजी के नई – शैलेश नितिन त्रिवेदी
जय जोहार…. छत्तीसगढ़ प्रदेश कांग्रेस संचार विभाग के प्रमुख शैलेश नितिन त्रिवेदी ह कहिन कि भारत म यदि कोरोना ह महामारी के रूप ले हे, त एखर दोष भारतीय जनता पार्टी अऊ ओखर सरकार के हे। एखर सेति भाजपा ल चाही कि वे शर्मिंदगी महसूस करे अऊ मीनमेख निकाले के जगह जिहां संभव हो सेवा करे, यही ओखर प्रायश्चित हे।
वो हा कहिन कि भाजपा ह न केंद्र के स्तर म लोगन मन के सहायता करिन अऊ न राज्य के स्तर म। भाजपा के लोग ह सिरिफ कमी ल तलाश करे के नाकाम कोशिश म लगे रहिस। अब जबकि छत्तीसगढ़वासी ह दुख अऊ पीड़ा ल झेलत हुये अपन घर वापस आ गे हे, भाजपा के लोगन मन ल ओखर सुध लेना चाही अऊ थोड़कीन बड़ अकन सेवा कर लेना चाही। कोरोना संक्रमण म वो हा कहिन कि यदि केंद्र के भाजपा सरकार ह समय रहत एयरपोर्ट ल बंद कर दे होतिस, जांच सुरू कर दे होतिस, त विदेश ले अवइया लोगन मन के बीमारी फैलाये ले रोके जा सकत रहिस।
