प्रयास आवसीय विद्यालय म प्रवेश बर प्राक्चयन परीक्षा होही 14 जुलाई के, दिशा-निर्देश होइस जारी
जय जोहार…. छत्तीसगढ़ म आदिम जाति अउ अनुसूचित जाति के तरफ ले संचालित प्रयास बालक अउ कन्या आवासीय विद्यालय म सत्र 2020-01 म कक्षा नवमी म प्राक्चयन परीक्षा ह 14 जुलाई के आयोजित करे जाही।
ए परीक्षा ह बिहनिया 10.30 बजे ले दोपहर एक बजे तक होही। संचालक आदिम जाति अउ अनुसूचित जाति विभाग ह सब्बो कलेक्टर ल दिशा-निर्देश जारी करे हे।
निर्देश म केहे गे हे कि परीक्षा बर सब्बो संबंधित जिला म परीक्षा केन्द्र के स्थापना करे गे हे। यदि कोनो जिला म परीक्षा केन्द्र स्थल ह कन्टेनमेंट जोन एरिया म आवत हो,
त अइसे दशा म परीक्षार्थी मन बर वैकल्पिक व्यवस्था करे जाये, ताकि विद्यार्थी मन ल कोनो असुविधा न हो। एखर सूचना ल परीक्षार्थी मन ल समय के पूर्व दे जाये।
परीक्षार्थी मन ले प्राप्त आवेदन पत्र के आधार म परीक्षा कक्ष के व्यवस्था करे जाये। एमा दू विद्यार्थी मन के बीच फिजिकल डिस्टेंसिंग म छह फीट के दूरी रखे जाये।
