chhattisgarh के कोनो भी च्वाइस सेंटर ले मुफ्त म बनही आयुष्मान कार्ड, पढ़व
जय जोहार…. (chhattisgarh) राज्य के कोनो च्वाइस सेन्टर ले अब मुफ्त आयुष्मान भारत योजना कार्ड ल बना सकही। ए योजना के तहत स्वास्थ्य बीमा कार्ड ल अस्पताल म मुफ्त बनाये जावत हे। च्वाइस सेंटर म मिलइया सुविधा म राशन कार्ड अऊ दूसर दस्तावेज दे म पीवीसी आयुष्मान कार्ड बना के दे जाही।
छत्तीसगढ़ (chhattisgarh) सहित 10 राज्य म एक संग ए योजना के तहत सेवा सुरू करे गे हे। एखर तहत पीवीसी प्रिंट करे हुये कार्ड दे जाही। स्वास्थ्य विभाग ले मिले जानकारी के अनुसार एखर बर नेशनल हेल्थ आथारिटी अऊ कामन सर्विस सेन्टर के बीच एमओयू म हस्ताक्षर होये हे।
एमा छत्तीसगढ़ (chhattisgarh) के आलावा उत्तरप्रदेश, हरियाणा, त्रिपुरा, नागालैंड, चंडीगढ़, पुडूचेरी, बिहार, मणिपुर अऊ मध्यप्रदेश म योजना लागू करे गे हे। स्वास्थ्य विभाग के अधिकारी मन ह बताईस कि नवा व्यवस्था के तहत आयुष्मान भारत के हितग्राही ल पहिले पेपर आधारित कार्ड दे जाही। एखर बाद ए पीवीसी प्रिंट करे कार्ड दे जाही।
