Chhattisgarh: सीएम ह करीन घोसना, बड़ेडोंगर अउ परलकोट ह पर्यटन स्थल के रूप म होही विकसित

जय जोहार…. (Chhattisgarh) मुख्यमंत्री भूपेश बघेल ह आज रईपुर के अपन निवास कार्यालय म हल्बा आदिवासी समाज के प्रतिनिधि मण्डल ले चर्चा करीन। ए दउरान सीएम बघेल ह आदिवासी मन के आस्था के केन्द्र बड़ेडोंगर अउ अमर शहीद गैंद सिंह के कर्मस्थली परलकोट ल पर्यटन स्थल के रूप म विकसित करे के घोसना करीन।

वो हा किहीन कि (Chhattisgarh) शहीद गैंद सिंह के जीवनी ल पाठ्यक्रम म सामिल करे जाही। सीएम बघेल ह हल्बा आदिवासी समाज के प्रतिनिधि मण्डल ले चर्चा के दउरान सासन के आने आने जनकल्याणकारी योजना के मैदानी स्थिति के जानकारी लीन अउ ओखर ले आदिवासी समाज के उत्थान अउ क्षेत्र के विकास के संबंध म सुझाव मांगे हे।

सीएम बघेल ह किहीन कि राज्य सरकार डहार ले पहली घांव कोदो-कुटकी अउ रागी के समर्थन मूल्य घोसित करे गेहे। (Chhattisgarh) अवइया नवम्बर माह ले एखर खरीदी, मिलिंग अउ मार्केटिंग के व्यवस्था करे जाही। ए अवसर म लोकसभा सांसद दीपक बैज, राज्यसभा सांसद श्रीमती छाया वर्मा, महिला अउ बाल विकास मंत्री अनिला भेंड़िया घलो उपस्थित रिहीन।