बालोद, बिलासपुर अऊ कोरबा ह रेड जोन म, राजधानी ह रेड ले आरेंज जोन म

जय जोहार…. राज्य सरकार ह कोरोना के मद्देनजर जोन के बंटवारा कर दे हे। छत्तीसगढ़ म तीन जिला ल रेड जोन अऊ 25 जिला ल आरेंज जोन म बांटे हे। नवा तरीका ले जोन के करे गे बंटवारे म अब विकासखंड के आधार म जोन के बंटवारा करे गे हे। छ्त्तीसगढ़ के तीन जिला बालोद, बिलासपुर अऊ कोरबा के क्षेत्र ल रेड जोन म रखे गे हे।

राजधानी रायपुर के अभनपुर, आरंग, धरसींवा अऊ रायपुर शहरी ल आरेंज जोन म रखे गे हे। ऊहचे जांजगीर के बम्हनीडीह, बलौदा, डभरा, जैजेपुर, मालखरौदा, नवागढ़ अऊ सक्ती ल आरेंज जोन म रखे गे हे। सरगुजा के मैनपाट, अंबिकापुर, बतौली, लखनपुर, लुंड्रा, उदयपुर अऊ सीतापुर ल घलो आरेंज जोन म रखे गे हे। सबले कम गरियाबंद, बेमेतरा, बीजापुर अऊ दंतेवाडा म सिरिफ एक-एक विकासखण्ड ल आरेंज जोन म रखे गे हे।