दू महीना तक मछली मारे म लगिस प्रतिबन्ध, पढो पूरा खबर

जय जोहार…. बलौदाबाजार-भाटापारा जिला में दू महीना बर मछली मारे म प्रतिबंध लगा दे गे हे। ए प्रतिबंध ह 16 जून ले सुरू हो के 15 अगस्त तक जारी रही। मछलीपालन विभाग के सहायक संचालक ह  बताइस कि पूर्व वर्ष के तरह ए साल घलो बरसात के दू महीना म मत्स्याखेट ह प्रतिबंधित रही।

ए दौरान मछली प्रजनन के माध्यम ले अपन वंशवृद्धि करत हे। एखर सती ओ मन ल सरंक्षण प्रदान करे बर राज्य सरकार के मछलीपालन विभाग के तरफ ले प्रतिबंध के निर्णय ले गे हे। प्रतिबंध संबंधी ए आदेश ह वो तालाब अऊ जलस्रोत म लागू नई होही, जेखर संबंध ह कोनो नदी अऊ नाला ले नई हे।