दूसर जिला मन ले मंगवाए जाही बारदाना, मंत्री अमरजीत सिंह भगत ह दिस निर्देश

जय जोहार रायपुर…. खाद्य मंत्री अमरजीत सिंह भगत ह अपन विभागीय अधिकारी मन के बैठक बुलाए रहिस। बैठक म मंत्री भगत ह किसान मन के मौजूदा ज्वलंत समस्या धान खरीदी ल लेके चर्चा करिस। एखर अलावा अन्य मुद्दा मन म भी चर्चा होइस। ये मऊका म मंत्री भगत ह अधिकारी मन ल निर्देश देवत हुए किसान मन के समस्या के तत्काल समाधान करे बर कहिस। वो हा दूसर जिला मन ले बारदाना मंगवाकर किसान मन ल दे बर के निर्देश अधिकारी मन ल दिस हे, ताकि किसान मन ह अपन धान ल बेच सके। बैठक के बाद मंत्री भगत ह कहिन कि आज तारीख तक पूरा प्रदेश म 90 प्रतिशत किसान मन के धान खरीदे जा चुके हे। अब तक सरकार ह 82 लाख मीट्रिक टन धान के खरीदी कर ले हे।