लॉकडाउन म पत्रकार बन के करत रहिस अवैध शराब के सप्लाई, पुलिस पकड़ीस त जेब ले निकलिस प्रेस कार्ड
जय जोहार रायपुर…. राजधानी रायपुर के खम्हारडीह थाना पुलिस ह आज सनिच्चर बिहिनिया एक कथित पत्रकार समेत दु आरोपी मन ल अवैध रूप ले शराब बेचत गिरफ्तार करे हे। पुलिस ह कथित पत्रकार जितेंद्र सिंह अऊ ओखर साथी मयंक अग्रवाल ल शंकर नगर स्थित राजीव नगर कालोनी ले गिरफ्तार करे हे। आरोपी मन के पास ले प्रेस कार्ड घलो बरामद करे गे हे।
पुलिस के मुताबिक कथित पत्रकार ले दु पेटी अवैध अंग्रेजी शराब, नशीली दवा, टेबलेट, सिरप समेत एक पिस्टल, एक रिवाल्वर अऊ एक कट्टा बरामद करे हे। संगेसंग 6 नग चाकू, प्रेस आई कार्ड अऊ 10 नग बुलेट घलो जब्त करे हे।
खम्हारडीह थाना प्रभारी ह बताइस कि आरोपी मन के खिलाफ आबकारी एक्ट, एनडीपीएस एक्ट समेत आर्म्स एक्ट के तहत कार्रवाई करे जात हे। दुनो आरोपी ह पुलिस के हिरासत म हे।
