बेमेतरा विधायक ह करिन विकास कार्य के निरीक्षण, अधिकारी मन ल दिस ये निर्देश
जय जोहार…. बेमेतरा विधायक आशीष छाबड़ा ह नगर पालिका परिषद क्षेत्र म विकास कार्य के निरीक्षण करिन। विधायक ह स्कूल मैदान समतलीकरण, खिलाड़ी मन बर पैवेलियन निर्माण, कॉम्प्लेक्स निर्माण बर कार्यस्थल के निरीक्षण करिन। ए दौरान अधिकारी मन ल आवश्यक निर्देश दिस।
विधायक ह नवीन बाजार म स्थित पुराना पानी टंकी स्थल म बनइया पौनी पसारी बाजार अऊ मल्यीयुटीलिटी कॉम्प्लेक्स निर्माण बर अधिकारी मन ल निर्देशित करिस। ए दौरान विधायक ह नया बस स्टैंड के निरीक्षण करिस अऊ अधिकारी मन ल शापिंग कॉम्प्लेक्स निर्माण, यात्री मन बर वेटिंग हाल अऊ पशु चिकित्सालय विभाग के खाली पड़े भूमि ल नगर पालिका के नाम ले हस्तांतरित कर ओखर उपयोग बस स्टैंड के विकास म करे जाये बर निर्देशित करिन।
