chhattisgarh म वन नेसन वन कार्ड व्यवस्था के लाभ मिले ल होगे सुरु, खाद्यान्न ले जा सकत हे कोनो रासन दुकान ले, पढ़व

जय जोहार…. (chhattisgarh ) वन नेसन वन रासन कार्ड व्यवस्था लागू होय के बाद अब कोनो घलो रासन दुकान ले खाद्यान्न ले जा सकत हे। एखर ले मजदूरी करे ल राज्य अथवा राज्य के बाहर आन स्थान म जवइया मनखे मन ल बड़का सहूलियत होवत हे। पहले ए मजदूर मन ल रासन ले बर अपन गांव के रासन दुकान जाना पड़त रिहीन।

मुख्यमंत्री भूपेश बघेल के पहल म (chhattisgarh ) प्रदेस म लागू करे जावत ए नवा व्यवस्था के तहत राज्य के सबो राशनकार्ड धारी मन ल आधार कार्ड प्रमाणीकरण कर बायोमेट्रिक प्रणाली ले जोड़ा जावत हे। एखर बाद रासन उपभोक्ता मन ल कोनो रासन दुकान ले रासन उठाय के सुविधा मिलही।

वन नेसन वन रासन कार्ड के व्यवस्था ल प्रदेस के सबो जिला म लागू करे जात हे। एखर बर राज्य सरकार डहार ले चरणबद्ध ढंग ले रासन दुकान म आधार कार्ड ले उपभोक्ता के सत्यापन बर रासन दुकान म ई-पॉस मशीन उपलब्ध कराये जात हे। (chhattisgarh ) रईपुर जिला म ये नवा व्यवस्था का क्रियान्वयन सुरु होगे हे । रोजी रोटी बर आन जिला ले आये मजदूर परिवार ल एखर लाभ मिलना घलो सुरु होगे हे। ग्राम पलौद म एक महिला श्रीमती पूर्णिमा बंजारे है। ओमन ल ए सुविधा के लाभ मिलत हे।