रायपुर। गुरू पूरनिमा के पावन अवसर म आज सबो झ अपन गुरू मन के वंदना करत हे अउ अपन सुभकामना मन ल संप्रेसित करत हे। इहीं कड़ी म प्रदेस के मुखिया डॉ. रमन सिंह ह घलो अपन राजनीतिक गुरू के प्रति अपन भाव ल सोसल मीडिया उपर जाहिर करिन अउ सबो झन ल गुरू पूरनिमा के बधाई दीस हे।
मुख्यमंत्री डॉ रमन सिंह ह पूरव प्रधानमंत्री अटल बिहारी वाजपेयी ल अपन गुरु मानत हुए लिखे हे कि ‘सब धरती कागज करव, लिखनी सब बनराय, सात समुद्र के मसि करूँ, गुरु गुन लिखा न जाय। कबीर… मोर आदरस अटल बिहारी वाजपेयी जी जेमन ह मोला बेरा-बेरा म मारगदरसन करिस हे आज मैं उंखर चरन कमल मन के वंदना करत आप सबो ल गुरु पूरनिमा के हारदिक सुभकामना मन ल देवत हव।
View image on Twitter
Dr Raman Singh
✔
@drramansingh
सब धरती कागज करूँ, लिखनी सब बनराय।
सात समुद्र की मसि करूँ, गुरु गुण लिखा न जाय॥.. कबीर
मेरे आदर्श श्री अटल बिहारी वाजपेयी जी जिन्होंने मेरा समय-समय पर मार्गदर्शन किया आज मैं उनके चरण कमलों की वंदना कर आप सभी को #गुरुपूर्णिमा की हार्दिक शुभकामनाएं देता हूँ।
10:16 AM – Jul 27, 2018
737
163 people are talking about this
आपमन ल बता दन के छत्तीसगढ़ के निरमाता पूरव प्रधानमंत्री अटल बिहारी वाजपेयी के जन्मदिवस म ही छत्तीसगढ़ म सुसासन दिवस मनाय जात हे। जब अटल बिहारी वाजपेयी यूरिन इंफेक्शन के कारन एम्स म भरती रहिन हे, तब सीएम खुद उंखर ले मिले बर दिल्ली के एम्स गे रहिन हे।
मुख्यमंत्री बनने के पहली 1999 म अटल बिहारी के सरकार म डॉ. रमन सिंह केन्द्रीय राज्य मंत्री रहिन हे। डॉ. रमन सिंह के कहना हे अटल बिहारी वाजपेयी के बात दिल ले निकल के दिल तक पहुंच थे। कोनो भी व्यक्ति ल अटल जी के संग बिताय गे पल, ओ व्यक्ति के संग धरोहर के रूप म रहत हे।
भीड़ देखके हइरान होगे रहिन अटल जी
सीएम रमन आघू बतात हे के, मैं अटल ल आमसभा बर निमंत्रन देय तअटल जी कहिन के कइसे सभा होही, जेमा मैं ह कहे के भयंकर सभा होही। येमा अटल जी ह आरिफ बेग ले मजाक म पूछिन के भयंकर सभा म जाव के नइ जाव। येकर बाद अटल जी ह कहिन के ठीक हे, मैं ह ओली ले गुजर हूं । अगर सभा म100 लोगन होही त पांच मिनट भासम दूं हूं। येकर जब अटल जी जब आइन अउ देखिन के कवर्धा के गांधी चउक ह पूरा भरे हे। सभा म अबड़ अकन लोगन मन आय हे, जेला देख के अटल जी घलो हइरान रहिगे। येकर बाद बाद अटल जी ह उहां करीबन 18 मिनट भासन दिस।
