भाटापारा। नगर के सासकीय अस्पताल म स्वास्थय सेवा भगवान भरोसा चलत हे। कहे बर तो इहां के अस्पताल ल सिविल अस्पताल के दर्जा तो मिल गए हे फेर असुविधा अऊ खामी काकरो ले छुपे नइ हे। आलम ये हे कि 100 बिस्तर वाला अस्पताल म रेबिज के इंजेक्शन नइ हे, इहा पिये बर साफ पानी नइ मिलत हे त सही बेरा म अस्पताल म खून मिले के बात ल तो छोड़ ही दौ। प्रसासन के अइसन असुविधा ह अभु तक कई लोगन मनके जान ले लेहे। एती अस्पताल के ये हालत ल लेके BMO डॉक्टर राजेश अवस्थी ह कैमरा के आगु कछु भी कहे ले मना कर दिस। दुसर कोती BJP बिधायक शिव रतन शर्मा ह अपन तारीफ करत कहिस कि- मोर कोसिस के कारन हि एला सिविल अस्पताल के दर्जा मिलिस हे। जब असुविधा के बारे म पुंछे गिस त बिधायक जल्दी ही सब ठीक करे के भरोसा दिलाइस…।
