भोजराज पटेल ह दिखाही अभिनय के कमाल, जोहार छत्तीसगढ़ ले करही ओपनिंग

जय जोहार रायपुर.. नगर के युवा भोजराज पटेल ल अभिनय करना अच्छा लागथे लेकिन मार्गदर्शन अऊ सही समय नई होय के कारण भोजराज अपन अभिनय नई दिखा पात रिहिस, अब वो समय घलो आगे अऊ ओखर फिलिम जोहार छत्तीसगढ़ रिलीज होने वाला हे एमा भोजराज ह एक किसान के रोल करे हे.

बता दन कि भोजराज ल फिल्म लाइन अतना पसंद हे कि वो ह दूसर कलाकार मन ल भी प्लेटफ़ार्म दे बर एक फिलिम बनाही अभी ओखर नाम फाइनल नई हे लेकिन जल्द ही ओखर घोषणा भोजराज ह करही, बेगपाइपर फिल्म प्रोडक्शन हाउस के बेनर म ये फिल्म के निर्माण होही, जेखर निर्देशन संजय बत्रा ह करही.

भोजराज ह बताइस कि कलाकार ल मंच मिले त वो ह अपन प्रतिभा बिल्कुल देखाही. नवोदित कलाकार भोजराज ह जोहार छत्तीसगढ़ के बारे म बताइस कि ये फिलिम ह छत्तीसगढ़िया मन के अस्मिता के लड़ाई ऊपर आधारित हे अऊ एमा बड अकन कलाकार मन अभिनय करे हे.