Bagbahra: संसदीय सचिव द्वारिकाधीश यादव ह कल्याणपुर म बनइया सामुदायिक भवन के करीन भूमिपूजन
जय जोहार। (Bagbahra) संसदीय सचिव एवं खल्लारी विधायक द्वारिकाधीश यादव ह खल्लारी विधानसभा क्षेत्र के ग्राम कल्याणपुर म बनइया सामुदायिक भवन के भूमिपूजन करीन । कार्यक्रम के अध्यक्षता ल पूर्व मंडी अध्यक्ष तेजन चंद्राकर ह करीन । विसेस अतिथि ग्रामीण कांग्रेस कमेटी अध्यक्ष रवि निषाद, वरिष्ठ कांग्रेसी नेता गणेश शर्मा, पिछड़ा वर्ग प्रकोष्ठ के उपाध्यक्ष रामेश्वर चक्रधारी, सरपंच प्रीति सोनवानी अउ विष्णु महानंद रिहीन ।
(Bagbahra) ए अवसर म संसदीय सचिव द्वारिकाधीश यादव ह बताइन कि राज्य के भूपेश बघेल के सरकार ह छत्तीसगढ़ के सर्वांगीण विकास बर सरलग नवा नवा योजना लात हे। संगेसंग ओखर क्रियान्वयन घलो करे जात हे । ग्राम कल्याणपुर म जेन सामुदायिक भवन के निर्माण होवइया हे, जेखर आज भूमि पूजन होय हे, ये बहुप्रतीक्षित मांग रिहीन। ये मांग आज पूरा होत हे।
ए अवसर म बड़ा खान, जयंती चंद्राकर, उपसरपंच कुसुमलता बरिहा, पंच दयालु ठाकुर राजेश्वरी वर्मा,खोमेश साहू,मन्ता यादव, हरख राम, रहमान, पन्नालाल ठाकुर, कामदार बरिहा, फगनु राम, श्याम यादव ,पुनीत राम यादव, फैलसिंग ठाकुर, मनराखन ठाकुर,सुशील ठाकुर उपस्थित रिहीन ।
