ये पोस्ट के वजह ले होइस पीसीसी अध्यक्ष भूपेश के कीरकीरी

रायपुर। फेसबुक म बात- बात म सरकार अउ रमन सिह के खिलाफ पोस्ट करइया पीसीसी अध्यक्ष भूपेश बघेल ल अपन एक पोस्ट के वजह ले शर्मिदगी झेले बर पड़ीस। विरोध के राजनीति करइया बघेल बिना सोचे- समझे ये पोस्ट करिस हे तो उँखर से लोगन मन पूछिस कि ढाबा चलाना का रोजगार नो हय।
कांग्रेस के प्रदेश अध्यक्ष भूपेश बघेल ये दिन मन म विकास खोजे बर निकले हे। शुरूआत सीएम डा रमन सिंह अउ उंखर बेटा अभिषेक सिंह के गोद ले गांव मन ले होइस। संग रहिन हे कांग्रेस के प्रदेश प्रभारी पीएल पूनिया । रविवार के घलो भूपेश ह विकास खोजे के कोशिश करिस।
विकास खोजो यात्रा के गहमागहमी के बीच सुरगी पहुंच के पुनिया के संग नाश्ता बर ढाबा म रुकिस। ढाबा चलाइया युवक ह बताइस कि रोजगार नइ मिलिस हे, तव मजबूरी म ढाबा खोल लेव, तीन साल ले मुद्रा योजना के अंतरगत लोन मांगत हव लेकिन भाजपा सरकार वो ला घलो नइ देत हे। येमा सरकार के खिलाफ भूपेश ल एक अउ मौका मिलगे। अउ आव न ताव देखिस बड़बड़ी म पोस्ट कर दिस।
येखर संग भूपेश ह अपन अउ पुनिया के भजिया खात तस्वीर घलो साझा करिस की। जइसे ये पोस्ट फेसबुक म लोड होइस तइसे भूपेश ल लोगन मन ट्रोल करे लगिस। दरअसल भूपेश ह अपन पोस्ट म ढाबा वाले ल बेरोजगार बता दिस । फेर लोगन मन पूछिस कि ढाबा चलाना का रोजगार नो हय।
पढ़व लोगन के पोस्ट उपर कमेंट्स