जय जोहार…. (chhattisgarh) मुख्यमंत्री निवास म आज भूपेश कैबिनेट के बइठक होय हे। ए बइठक म कई महत्वपूर्ण फइसला ले गे हे।
कैबिेनेट के बइठक खत्म होय के बाद मंत्री रविंद्र चौबे ह कहिन कि गुरुवार के राजीव गांधी न्याय योजना के तहत 1500 करोड़, गोधन न्याय योजना के तहत 450 करोड़ अउ तेंदूपत्ता संग्राहक मन ल ओखर खाता म 232 करोड़ रूपिया स्थानांतरित करे गे हे।
(chhattisgarh) सबो जिला के कांग्रेस भवन ह अब राजीव भवन के नाम ले जाना जाही। उहचे 25 अगस्त के विधानसभा सत्र म बजट के प्रथम अनुमोदन पेश करे जाही।
ये ले गे हे फइसला : विधानसभा के सदस्य के यात्रा भत्ता ल बढ़ा के 8 लाख अउ पूर्व सदस्य के 4 लाख करे गिस। प्राइवेट स्कूल के फीस नियामक आयोग के विनियमन विधेयक ल घलो शामिल करे गे हे। भण्डार क्रय नियम ल संशोधित करे गे हे।
अनुसूचित जाति विकास प्राधिकरण के अध्यक्ष अब मुख्यमंत्री न हो के एक अध्यक्ष अउ दू उपाध्यक्ष के व्यवस्था करे गे हे। नवा जिला जीपीएम ल घलो तृतीय अउ चतुर्थ वर्ग के भर्ती म स्थानीय ल प्राथमिकता दे जाही। एर्राबोर हत्याकांड म हर प्रभावित परिवार ल 4 लाख के सहायता राशि दे जाही।
अनुसूचित जाति, पिछड़ा वर्ग आयोग के नियम ल संशोधित कर सदस्य संख्या ल बढ़ा के एक अध्यक्ष, एक उपाध्यक्ष अउ छह सदस्य करे के निर्णय ले गिस।
महासमुंद, बालोद, बलौदाबाजार, बेमेतरा, जांजगीर अउ सरगुजा समेत छह जगह म नवा सहकारी बैंक के स्थापना के प्रावधान करे गे हे।
(chhattisgarh) लोक सेवा गांरटी म आवेदन के तिथि ल शामिल नई करे जावत रिहिस। अब संशोधन म आवेदन के तिथि घलो अनिवार्य रूप ले बताय के प्रावधान ल करे गिस। बस्तर विश्वविद्यालय ह अब शहीद महेंद्र कर्मा के नाम ले जाना जाही।
अरपा विकास प्राधिकरण ल भंग कर के अरपा बेसिन विकास प्राधिकरण बनाय जाय ल कैबिनेट के मंजूरी मिले हे। छत्तीसगढ़ी भाषा बर केंद्र ले अनुरोध करे जाही।
