भूपेश कैबिनेट के बइठक ह होही 14 जुलाई के, शिक्षाकर्मी मन के संविलियन अउ शिक्षक नियुक्ति ल ले के हो सकथे चर्चा
जय जोहार…. भूपेश कैबिनेट के अहम बइठक ह 14 जुलाई के होवइया है। ए बइठक म कर्मचारी अउ शिक्षाकर्मी मन के घलो नजर हे। ऊहचे किसान मन के संगेसंग गौधन पालक मन बर ए बइठक म कुछु अहम फइसला हो सकथे। ए बइठक ह बिहनिया 11 बजे ले मुख्यमंत्री निवास म सुरू होही।
दरअसल सीएम भूपेश बघेल के बजट सत्र म घोसना के बावजूद शिक्षाकर्मी मन के दू साल म संविलियन के आदेश ह अब तक जारी नई होय हे। केहे जावत हे कि संविलियन के पूर्व वित्त विभाग के अनुमति लेना होही। लिहाजा वित्त विभाग ह अपन प्रस्ताव ल कैबिनेट म पेश कर सकत हे। ऊहचे 15 हजार शिक्षक मन के नियुक्ति के मसला घलो फंसे हे। अइसे म कैबिनेट के बइठक म नियुक्ति ल ले के अहम चर्चा हो सकत हे।