रमन सरकार के ए फइसला ल भूपेश कैबिनेट ह  पलटिस

रायपुर। भूपेश कैबिनेट के बइठक म आज कई अहम फइसला ले गिस। ए बइठक म रमन सरकार के ले गे एक अहम फइसला ल रद्द घलो कर दिस। बइठक म फइसला होइस के,  अब डिस्ट्रिक्ट कोआपरेटिव बैंक के अपेक्स म विलय नइ होही।

भूपेश कैबिनेट म एक अउ महत्वपूरन फइसला लिस के, जिला सहकारी बैंक के अपेक्स म विलय नइ होही। ज्ञात हो के भाजपा के रमन सरकार ह ए बैंक मन ल अपेक्स बैंक म विलय करे के फइसला करे गे रहिस हे।  आज ए फइसला ल बदल देय गिस। भू-अधिग्रहन के तहत टाटा के जमीन किसान मन ल वापिस लउटाए के प्रक्रिया म घलो विचार करे गिस ।

बठक म नरवा-गरवा, घुरवा-बारी के विस्तार करे के घलो निरनय लेय हे। जेमा पहिली चरन म 9960 गांव मन काम करे जाही। 17500 गांव मन म चलही काम। बइठक म बताए गिस के,  अब तक 86 लाख मैट्रिक टन के खरीदी होय हे। ए धान मन के उपार्जन  बर  केंद्र ले अब तक सहमति नइ होईस ह, त एखर बर का उपय करे जाए एमा घलोचर्चा होइस हे।