कर्मचारी मन ल भूपेश सरकार ह दे हे सौगात, प्रमोशन के संग पदस्थापना के आदेश होइस जारी
जय जोहार…. छत्तीसगढ़ मंत्रालय सेवा के सहायक ग्रेड-2 के 24 कर्मचारी मन ल ग्रेड-1 म प्रमोट करे गे हे। एखर संग ग्रेड-3 के कर्मचारी मन ल ग्रेड-2 म प्रमोट करे गिस। ए संबंध म राज्य सरकार ह सोमवार के आदेश पारित करिन।
ग्रेड-1 म प्रमोट होवइया कर्मचारी मन ल अब लेवल-9 के तहत 38100 ले 120420 वेतन प्राप्त होही। ऊहचे ग्रेड-2 म प्रमोट होवइया कर्मचारी मन ल लेवल-6 के तहत 25300-80500 के वेतन प्राप्त होही।
ए प्रमोशन के संग कई कर्मचारी मन ल नवा जगह म पदस्थापना दे गे हे। ऊहचे कई कर्मचारी मन ल वर्तमान स्थान म बरकरार रखे गे हे।
