….अब्बड़ विचलित हो गेहे भूपेश ह : सीएम डॉ सिंह

रायपुर। भूपेश बघेल के बयान म प्रतिक्रिया व्यक्त करत हुए सीएम रमन सिंह ह कहिन कि ये दिन मन म श्री बघेल के बार-बार के परस्पर विरोधाभासी बयान ले अइसे लगत हे कि वो ह काफी विचलित हो गे हे। उमन कभु कउनो मामला म सीबीआई जांच के मांग करथे अउ जब सीबीआई ह जांच करे लगथे त वे सीबीआई के जांच उपर ही सवाल उठाय लगथे। जनता ह ये ल सब देखत हे। दूध के दूध अउ पानी के पानी हो जाही।
मुख्यमंत्री डॉ.सिंह ह प्रदेश कांग्रेस अध्यक्ष बघेल के आज अंतागढ़ सीडी मामला म लेके प्रेस वार्ता म लगाये गे आरोप मन ल भ्रामक अउ तथ्य मन ले परे बताइस। मीडिया प्रतिनिधि मन जब ये मामला म श्री बघेल के आरोप मन के बारे म पूछिन त तो मुख्यमंत्री के तहिना रहिस हे कि जे मामला म हाईकोर्ट अउ सुप्रीम कोर्ट ह कतको बेर खारिज कर दिस हे, त उहीं मामला ल लेके बार-बार सिर्फ संकीर्ण राजनीति बर बयानबाजी करना कउनो दृष्टि ले उचित नइए।