Raipur : सीएम भूपेश बघेल ह करीन घोसना, धरसींवा के सामुदायिक स्वास्थ्य केन्द्र के नामकरण होही योगेन्द्र शर्मा के नाव म
जय जोहार…. (Raipur ) मुख्यमंत्री भूपेश बघेल आज अपन निवास कार्यालय ले खरोरा नगर पंचायत म योगेन्द्र शर्मा के जयंती म आयोजित कारीकरम म वर्चुअल रूप ले सामिल होइन हे। ए मउका म सीएम बघेल ह धरसींवा के सामुदायिक स्वास्थ्य केन्द्र अउ सासकीय उच्चतर माध्यमिक विद्यालय टेकारी के नामकरण ल शहीद योगेन्द्र शर्मा के नाव म करे जाय के घोसना करीन।
ए अवसर म सीएम बघेल ह किहीन कि शहीद योगेन्द्र शर्मा के प्रेरणादायी व्यक्तित्व अउ सेवा-भावना ल भूला नई जा सकत हे। ओखर सहादत ल हमेसा याद रखे जाही।(Raipur ) ए अवसर म सीएम बघेल ह जयंती कारीकरम के सुरुवात म शहीद योगेन्द्र शर्मा ल श्रद्धासुमन अर्पित कर करीन। खरोरा नगर पंचायत म जयंती कारीकरम के अवसर पर आयोजित निःसुल्क स्वास्थ्य शिविर अउ रक्त दान सिविर बर मुख्यमंत्री ह सुभकामना दीन हे।
(Raipur ) ए मउका म मुख्यमंत्री निवास पर शहीद योगेन्द्र शर्मा के धर्मपत्नी अउ विधायक धरसींवा श्रीमती अनिता योगेन्द्र शर्मा, सुपुत्र हर्षित शर्मा समेत विपिन त्रिपाठी, भोला तिवारी घलो उपस्थित रिहीन। कारीकरम स्थल खरोरा नगर पंचायत म छत्तीसगढ़ खनिज विकास निगम के अध्यक्ष गिरीश देवांगन, प्रमोद शर्मा, मण्डल दास गिलहरे, सुभाष मिश्र उपस्थित रिहीन ।
