बिग बॉस के कुरिया मा सब कइसे बदलथें कपड़ा, शेफाली हा खोलिस राज….

रियलिटी शो बिग बॉस ला अब्बड़ चाव से देखे जाथे अउ सवाल घलो करे जाथे कि बिग बॉस के घर ओ कुरिया मा सिरतोन मा होथे का-का? कई बार सुने मा आथे कि दूसर अउ सीरियल जइसन ही इहू सीरियस आय। यानी एखरो कहानी पहिली ले तैयार कर ले जाय रहिथे। कतको रिपोर्ट मा इहू दावा करे गेहे कि ए घर के सदस मन घर मा भी मोबाइल चलाथें। अइसन मा घर के भीतर मा तीन महीना तक बंद सेलिबृटी ला दुनिया के हलचल से दूर रखे के दावा ऊपर भी सवाल उठाए जा चुके हे। अइसनहा जम्मो जवाब के जवाब यू ट्यूब मा दे हावय शेफाली बग्गा हा।शेफाली हा कुछ हफ्ता पहिली ही बिग बॉस सीजन-3 ले बाहर होय हे। शेफाली ले जब पूछे गिस कि बिग बॉस के घटनाकरम का पहिली ले तैयार रहिथे…? यानी सबकुछ पहिली ले ही तय रहिथे का? एखर जवाब मा शेफाली के कहना हे- अइसे बिल्कुल नइहे कि शो मा सेलिबृटी से कुछु भी कहिके करवाय जाथे। वइसे तो शो पूरा 24 घंटा के आय, ओखरे सेती वो सबकुछ ला सिरिप एक घंटा मा ही देखाय जाथे, अउ ओतके ला देखाय जाथे, जतका देखइया मन बर जरूरी समझे जाथे।घर भीतर मोबाइल के उपयोग संबंधी सवाल मा शेफाली बताय हे कि शो मा कोई ला भी फोन धरके जाय के अनुमति नइ रहय। शो के चलत तक कोनो ला परिवार वाले संग भी मोबाइल मा बात करे के छूट नइ दे जाय। ए बीच मा तो न कोनो ला बाहिर जावन दे जाथे, अउ न ही कोनो ला भीतरी मा आवन दे जाथे। शेफाली आगे बताथे कि मेकअप के पूरा सामान ओमन संग मा धर के गे रिहिन, तिही सेती ओमन हमेसा सजे-संवरे ही नजर आंए। एखर अलावा कपड़ा तको हर हफ्ता बाहिर ले आथे। शेफाली के मुताबिक शनिच्चर अउ इतवार दिन पहिरे बर अलग से कपड़ा आथे। आप मन ला बता दे जाए कि जुन्ना बाकी सीजन के जइसने ही बिग बॉस-12 भी झगरहाबानी ले भरपूर होगे हे। माने जावत हे कि 31 दिसंबर या फेर जनवरी मा एखर फाइनल राउंड हो सकत हे।