बिग बॉस छत्तीसगढ़िया आवत हे , गांव के बाड़ा असन घर म लगहि सेट , होस्ट होही उपासना

जय जोहार रायपुर..दीपक ५२कर.. कलर्स टी वी म प्रसारित अऊ खूब लोकप्रिय होय कार्यक्रम बिग बॉस अब छत्तीसगढ़ म घलो बनहि, एला होस्ट करे बर मशहूर अभिनेत्री उपासना वैष्णव के चयन करे गे हे, एमकेवी एंटरटेनमेंट के प्रस्तुति आय बिग बॉस , एमकेवी एंटरटेनमेंट के अमन आदिल ह किहिस कि आज कल घर मन बिखराव के स्थिति हे जेला ख़तम करे बर अऊ सयुंक्त परिवार में रहे के टिप्स इंहा के प्रतिभागी मन ल मिलहि.

अभी एखर बर आवेदन ऑनलाइन ले जात हे, बता दन कि दू घर म एखर शूटिंग करे जाहि अऊ दूनो म १८ -१८ सदस्य होही , जेन मन छत्तीसगढ़ी संस्कृति के अनुरूप अपन आप ल ढालही, आवेदन फीस एक हजार राखे गे हे अऊ एखर शूटिंग मई महीना म शुरू होही , एखर प्रसारण कोई भी लोकप्रिय चैनल म सुबह शाम करे जाहि. अभी ले बिग बॉस छत्तीसगढ़िया ल ले के लोगन म उत्साह देखे ल मिलत हे.