chhattisgarh :मन्त्रिपरिसद के बइठक म बड़का निर्णय, कोदो-कुटकी अऊ रागी ल समर्थन मूल्य म खरीदही सरकार
जय जोहार…. (chhattisgarh) विधानसभा के मुख्य समिति कक्ष म आज मन्त्रिपरिसद के बइठक के आयोजन करे गे हे। एखर अध्यक्षता ल सीएम भूपेश बघेल ह करिन। ए दौरान कई महत्वपूर्ण निर्णय ले गे हे।
छत्तीसगढ़ (chhattisgarh) राज्य लघु वनोपज के तरफ ले निर्मित आयुर्वेद दवा, हर्बल उत्पाद अऊ लघु वनोपज ले प्राप्त प्रसंस्कृत पदार्थ के शासकीय विभाग के तरफ ले क्रय करे जाय के निर्णय ले गिस। राज्य लघु वनोपज के पास उत्पाद उपलब्ध नई होय के स्थिति म शासकीय विभाग के तरफ ले संघ ले अनापत्ति प्राप्त कर ओ उत्पाद के खरीदी ल बाजार ले करे जा सकही।
प्रदेश के अनुसूचिज क्षेत्र म कोदो-कुटकी अऊ रागी के समर्थन मूल्य म खरीदी करे के निर्णय ले गिस। छत्तीसगढ़ लोक सेवा आयोग के 19वां वार्षिक प्रतिवेदन विधानसभा के पटल म रखे जाय बर अनुमोदन करे गिस।
(chhattisgarh) खरीफ विपणन साल 201920 म समर्थन मूल्य म उपार्जित अनिराकृत धान के निराकरण के संबंध म निर्णय ले गे हे, जेमा सूखत के बाद संग्रहण केंद्र म शेष अनुमानित 2.27 लाख मीट्रिक टन धान के निराकरण बर उसना कस्टम मिलिंग के शेष 1.72 लाख मीट्रिक टन चावल जमा करे के लक्ष्य ल निरस्त कर छत्तीसगढ़ राज्य नागरिक आपूर्ति निगम म पूर्व म निर्धारित लक्ष्य 28.55 लाख टन के विरुद्ध चावल जमा करे बर शेष मात्रा 92 हजार टन के अतिरिक्त 60 हजार टन चावल स्टेट पूल म छत्तीसगढ़ राज्य नागरिक आपूर्ति निगम म जमा करे के अनुमति दे गिस।
