फर्जी जाति पेश करके जल संसाधन विभाग म बन गे रहिस बड़े अफसर, बर्खास्त

जय जोहार बिलासपुर। फर्जी जाति मामला म शासन ह बड़े कार्रवाई करिस। ये मामला के खुलासा छानबीन समिति ह करिस। जेखर बाद जल संसाधन विभाग म पदस्थ एक ईई ल तत्काल बर्खास्त करे के कार्रवाई करिस। ईई मधुकर बिट्‌टल राव कुंभारे कोरबा म जल प्रबंध संभाग रामपुर म पदस्थ रहिस।

जानकारी के अनुसार ईई मधुकर बिट्‌टल राव के खिलाफ फर्जी जाति पेश करे के शिकायत शासन ल मिलिस। जेखर बाद ये मामला के जांच छानबीन समिति ह करिस। ऊहचे जांच पूरा होए के बाद मामला के खुलासा होइस। जेमा पता चलिस कि ईई मधुकर बिट्‌टल राव कुंभारे फर्जी जाति के सहारे नौकरी करत रहिस। फिलहाल शासन ह वो ला पद ले हटाके बड़े कार्रवाई करिस।