आखिर उही होइस जेखर अगोरा रिहिस बिजली विभाग ल…..

नवनीत शुक्ला, मुंगेली। दु दिन पहिली जय जोहार के खबर आए रहिस बिजली विभाग के करनी के । “खुला दरवाजा अगोरत हे दुरघटना ल ।“बहुत जगह के तार मन ल खुल्ला छोड़ दे थे बिभाग ह बहुत जगा के तार मन ल खुल्ला छोड़ देथे बिभाग ह।
आज दुर्घटना घट गे अउ एक झन आदमी ल अपन जान गवाय बर पढ़ीस । घटना मुंगेली थाना क्षेत्र के हवय । जहाँ एक बुजुर्ग ल नंगा तार के चपेट म आये ले जान गवाय बर पढ़ीस । अब अउ कतका इंतजार हे विभाग ल । अउ कतका लोगन के जान संग खेलहिं बिजली विभाग ह । ये तव समय ही बताही ?काबर के ट्रांसफार्मर के खुला दरवाजा ये ही बात ल बतात हे ।
सहर म ज्यादा तर ट्रांसफार्मर के दरवाजा खुलला देखे बर मिलथे । बहुत जगह के तार मन तक एइसन ही खुल्ला छोड़ देथे विभाग ह काम करे के बाद।पिछले साल भी एहि कारन ले 1 महिला के जान दाऊ पारा म सुबह फूल तोड़त समय बिजली के नगा तार के चपेट म आये के कारन चल दिस ।सी सी टीवी कैमरा के कनेक्शन चउक म लगना रहिस । जहाँ मेरे डिवाइडर म लोहा के रेलिंग लगे होय के कारन नंगा तार म ले करेंट रेलिंग म आ गिस । अउ दुर्घटना होइस । एखर कोन जवाबदार हे । नगर अउ आस पास के पंचायत क्षेत्र म ट्रांसफार्मर के दरवाजा खुला रहना या बिना ढक्कन के ग्रिप रहना सामान्य बात हे । अब तव खुद कलेक्टर साहब ल तक दखल देहे के समय आ गे ।देखव साहब कब दखल दे के लोगन के जान ले खेलत विभाग म कब नकेल कसही ।