जय जोहार… आकांक्षी जिला के डेल्टा रैकिंग म छत्तीसगढ़ के बीजापुर (bijapur) जिला ल पूरा देश म पहला स्थान मिले हे।
नीति आयोग के तरफ ले आज जून-2020 के स्थिति म जारी करे गे आकांक्षी जिला के रैकिंग म बीजापुर ह अलग-अलग मानक म अच्छा प्रदर्शन करत हुये प्रथम स्थान हासिल करे हे।
सीएम बघेल ह एखर बर बीजापुर (bijapur) जिलावासी समेत जिला प्रशासन के पूरा टीम ल बधाई दे हे।
गौरतलब हे कि स्वास्थ्य, पोषण, शिक्षा, कौशल विकास, कृषि, जल संसाधन, वित्तीय समायोजन अउ बुनियादी अधोसंरचना के विकास के क्षेत्र म बीजापुर ह अपन हेल्टा अंक म पूरा देश म सबले जादा 2.3 अंक के वृद्धि करे हे।
फरवरी म होइस डेल्टा रैंकिंग म बीजापुर ले 48.1 अंक मिले रिहिस, जबकि जून के रैंकिंग म एला 50.4 अंक मिले हे। आकांक्षी जिला के रूप म शामिल देश के 112 जिला म बीजापुर (bijapur) जिला ह पहला स्थान प्राप्त करे हे।
Other Articles
Jagdalpur city के दलपत सागर के तट म रोपे गे हे 101 पौधा
