बीजापुर ल कृषि अऊ जलसंसाधन सेक्टर म देशभर ले आकांक्षी जिला मन म तीसर स्थान

जय जोहार रायपुर…. छत्तीसगढ़ के आकांक्षी जिला बीजापुर ह कृषि अऊ जल संसाधन सेक्टर म उल्लेखनीय कार्य बर देशभर ले आकांक्षी जिला मन म तीसर स्थान हासिल करे हे। नीति आयोग के तरफ ले जनवरी माह के जारी डेल्टा रेकिंग म बीजापुर तीसर स्थान म हे।

भारत सरकार के नीति आयोग ह जनवरी महीना म देशभर ले आकांक्षी जिला मन म कृषि अऊ जल संसाधन के क्षेत्र म सतत विकास बर किए गए कार्य म छत्तीसगढ़ ले बीजापुर जिला के कार्य ल बेहतर माने हे। बीजापुर जिला ल आयोग के जारी डेल्टा रेंकिंग म तीसर स्थान मिले हे। पहिली स्थान म मिजोरम के मामित, दूसर, चौथा अऊ पांचवां स्थान म क्रमश: झारखंड के हजारीबाग, रामगढ़ अऊ लातेहर जिला हे।