भाजयुमो ह फूंकिस कांग्रेस अध्यक्ष राहुल गांधी के पुतला

रायपुर. छत्तीसगढ़ भारतीय जनता युवा मोर्चा ह मंगलवार के संझा5 बजे बूढ़ा तालाब धरना स्थल म कांग्रेस के राष्ट्रीय अध्यक्ष राहुल गांधी के पुतला फूंकिन अउ आतंकवादी मसूद अजहर बर सम्मानजनक शब्द ‘जी’ कहे के संबोधन करे म विरोध जताइन.

भारतीय जनता युवा मोर्चा ह ए दउरान राहुल गांधी के खेलाफ जमके नारेबाजी करिन. युवा मोर्चा ह कहिन के, राहुल गांधी ह 11 मार्च ले दिल्ली म एक कार्यक्रम म दुनिया के मोस्ट वांटेड आतंकवादी मसूद अजहर ल सम्मानजनक शब्द ‘जी’ कहि के संबोधित करिस हे. जेखर हमन अउ देस के हर राष्ट्रभक्त के राष्ट्रीय भावना आहत होइस. ए देस बर अपन जान न्यौछावर करइय शहीद मनके अउ उंखर परिवार जन के अपमान हे. युवा मोर्चा ह राहुल गांधी के शब्द मन के कड़ी निंदा करस हे.